عائله سعوديه مشرده في الشوارع ثلاثه سنين(صوره)

ياجماعة الخير اليوم شفت شي بجد يبكي القلب

كنت نازل جده

وقفت عند اول محطه في خط جده اسمها البنيان اذا ماخاب ظني

اخذت اغراضي من السوبر ماركت

وتوي امشي الا اشوف باص واقف على الخط السريع في اخر المحطه

لقيت الرجال جالس بين الكراتين والوساخه ويقلب باوراق

قلت بنزل اساله ايش يسوي

لان سمعت خبر عن هذا الرجل


السلام عليكم ابوي

رد علي عليكم السلام ياولدي

قلت ابوي انت ايش تسوي هنا بين الوساخه والكراتين

قال هذا سكني

قلت شلون سكنك

قال ياولد وعيونه مليانه دموع

انا سعودي ومشرد في الشوارع لي ثلاثه سنين

انا وزوجتي وولدي الصغير

قلت وينهم

قال داخل الباص جالسين

قلت محد جاك صحافه او شي

قال جريدة عكاظ سوت معي مقابله وصورت الحاله ونشرتها

بس للاسف ماتغير الحال

قلت طيب انت سعودي ليش ماتاخذ شي من الضمان

قال ياولدي اخذ كل سنتين بس

ولازم بعد كل سنتين اروح اقدم طلبات وشغله وتطول وتاخذ وقت

قلت شلون يوقفونها كل سنتين

الي اعرفه على طول يصرفون لك

قال لا مايصرفون على طول لان عمري 54 سنه

لازم اكمل 60 سنه عشان يصرفون على طول دون توقف

قلت طيب ابوي ممكن اصور وباذن الله توصل للاشخاص الي فوق واهل الخير يساعدونك

قال وهو يدمع مليت من التصوير بدون اي فائده

قلت ان شاء الله ربي يفرجها عليك وتتيسر كل امورك

ركبت سيارتي ومن داخل السياره اخذت صوره بجوالي

قسم ياجماعه حالتهم تحزن وتبكي

والباص الي فيه زوجته وسخ ومن الباصات المنتهيه صلاحيه مره
ومغطي الباص بكراتين

موقعه اول محطه انت نازل لجده من مكه

اسمها البنيان

واخر المحطه في مطعم اسمه الفرسان
الرجال وعائلته بعد المطعم بالضبط

Posted in: